Maðurinn án gullbyssunnar

Hinni gullnu skammbyssu sem erkiskúrkurinn Scaramanga notaði í Bond kvikmyndinni The Man With The Golden Gun 1974 hefur verið stolið. Breska lögreglan rannsakar nú hvarf þessa fræga vopns frá Elstree Studios í Norður-London.

Byssan var sérsmíðuð fyrir myndina þar sem Roger Moore lék njósnara hennar hátignar James Bond í annað sinn en Christopher Lee var í hlutverki Francisco Scaramanga sem var hátt launaður leigumorðingi sem notaði gullbyssu.

Talið er að þessi sögufrægi leikmunur sé um það bil 15 milljóna króna virði. Lögreglan var kölluð til eftir hádegi í gær vegna málsins.

Málið er í rannsókn.

Leikmunurinn mun hafa verið settur saman úr sígarettuhylki, kveikjara, ermahnapp og penna en það var kveikjarafyrirtækið Colibri sem bjó byssuna til.

Scaramanga lét smíða byssu úr þessum hlutum sem þá voru hversdagslegir til að geta smyglað henni hvert sem er og til að leggja áherslu á hæfileika sína því hann þurfti einungis eina kúlu fyrir hvert fórnarlamb.

• 3 blogg um fréttina

Bloggað um fréttina

• Magnús Birgisson: Verum fyrri til...
• Ásgrímur Hartmannsson: Kolibri!
• Ómar Ingi: Svöl Byssa