Ól þríbura fyrir dóttur sína

Kona í Ohio ól nýverið þríbura dóttur sinnar. Jaci Dalenberg, sem er 56 ár gömul, var leigumóðir dóttur sinnar, Kim Coseno, og eignaðir þríburana með keisaraskurði á heilsugæslustofnun í Cleveland 11. október sl. Tvö barnanna eru eineggja drengir og þriðja barnið er stúlka. Þau fæddust meira en tveimur mánuðum fyrir tímann og vógu hvert minna en 1,36 kíló.

Samkvæmt upplýsingum frá heilsugæslustofnuninni heilsast bæði móður og börnum vel. Þar kemur líka fram að Dalenberg hafi boðist til þess að gerast leigumóðir dóttur sinnar meðal Kim Cosena og eiginmaður hennar, Joe, hafi verið að bíða eftir að mega ættleiða. Notast var við tæknifrjóvgun til þess að frjóvga egg Cosena og fóstrunum síðan komið fyrir í legi Dalenberg.

• 1 blogg um fréttina

Bloggað um fréttina

• A.L.F: Hvað gerir móðir ekki fyrir börnin sín :)