Valdi rangt hús til að brjótast inn í

Hinn langi armur laganna þurfti ekki að teygja sig langt til að handtaka ungan Ástrala sem gerði tilraun til að brjótast inn í lögreglustöð snemma í morgun.

Lögreglumenn á vakt á lögreglustöð í úthverfi borgarinnar Adeleine, sem er í suðurhluta Ástralíu, heyrðu þegar innbrotsþjófurinn, sem er 16 ára unglingspiltur, braut rúðu við aðaldyrnar. Þeir komu svo að honum þar sem hann lá á gólfinu við innganginn

Í yfirlýsingu frá lögreglunni kemur fram að drengurinn hafi nú komist að því hver sé fljótlegasta leiðin til að láta handtaka sig.

Pilturinn olli talsverðum skemmdum, eða sem nema um 160.000 kr. Þá neitaði dómari að sleppa honum gegn greiðslu tryggingar.

Að sögn talskonu lögreglunnar gaf drengurinn engar skýringar á athæfi sínu. Hún bætti því við að hann hafi verið drukkinn.

• 2 blogg um fréttina

Bloggað um fréttina

• Þorsteinn Gunnarsson: Eru til rétt hús til innbrota?
• Anna Guðný : Klaufi vikunnar!