Á Adamsklæðum eftir konubrók
Setja bókamerki
Undirofursti í japanska flughernum hefur verið vikið frá störfum í tíu daga eftir að hafa verið gripinn við að versla kvenmannsnærföt á Adamsklæðunum einum fata.
Segir í frétt Reuters af málinu að maðurinn hafi verið á heimleið síðla nætur eftir kveðjuteiti sem haldið var fyrir samstarfsfélaga hans í september síðastliðnum. Þá fékk hann þá flugu í höfuðið að fækka fötum á lóð stórmarkaðar áður en hann fór þar inn og keypti sér kvenmannsbrók og sokkabuxur.
Segir talskona flughersins að hann hafi eingöngu haft skóna og seðlaveski sitt á sér. Hann hafi talið að það myndi vekja kátínu ef hann trommaði inn í verslunina kviknakinn.
Í búðinni var eingöngu afgreiðslumaður sem kallaði eftir lögreglu fljótlega eftir að nakti undirofurstinn yfirgaf verslunina. Var hann kærður fyrir ósæmilegt athæfi á almannafæri í kjölfarið.
Þetta eru ráðherrar ríkisstjórnarinnar
„Aðstæður í stjórnmálum geta breyst á einni nóttu“
Ellefu skjálftar síðasta sólarhringinn
Fyrsti blaðamannafundurinn í heild sinni
Segir að verið sé að svindla á Bandaríkjunum
„Hagræðingarmál eru í fyrsta sæti“
Beint: Ný ríkisstjórn tekin við völdum