Ljótasti hundur í heimi dauður

Hundurinn Gus, sem í sumar var valinn ljótasti hundur í heimi, er dauður. Gus var eineygður og gekk á þremur fótum. Blaðið St. Petersburg Times í Flórída greindi frá því að Gus, sem var níu ára, hafi þjáðst af krabbameini.

Gus varð í sumar valinn ljótasti hundur heims á Sonoma-Marin hátíðinni sem fram fer árlega í Norður-Kaliforníu. 

Síðustu eigendur Gus komu honum til bjargar eftir að þeir komust að því að hann hafi verið geymdur við bág kjör í rimlakassa í bílskúr.

Sem fyrr segir var Gus aðeins með þrjá fætur en það varð að fjarlæga einn fót vegna æxlis. Þá missti hann annað augað þegar hann lenti í átökum við kött.

Eigandi Gus sagðist á sínum tíma ætla að verja verðlaunafénu til að borga fyrir geislameðferð sem Gus þurfti að gangast undir vegna veikindanna.

• 3 blogg um fréttina

Bloggað um fréttina

• Ólafur Ragnarsson: Heimskur hundur
• hofy sig: Hver er ljótur?
• Sigurbjörn Friðriksson: Ástkæra ylhýra málið......and all that jazz........