Dæmdur fyrir að skrifa Barca í stað konungs

Átján ára gamall marokkóskur piltur hefur verið dæmdur í eins árs fangelsi skilorðsbundið fyrir að móðga konung ríkisins. Hafði pilturinn skrifað „Guð, fósturjörðin og Barca" á töfluna í kennslustofunni en eftirlætis knattspyrnulið hans er spænska liðið Barcelona. Einkunnarorð Marokkó eru „Guð, fósturjörðin og konungurinn."

Lögregla handtók piltinn í síðasta mánuði eftir að kennari lét vita af því að sést hafi til hans rita þetta á töfluna.

Áfrýjunardómstóll staðfesti dóminn yfir Yassine Belassal í dag en hann var dæmdur fyrir að sýna einkunnarorðum konungsríkisins lítilsvirðingu. Belassal átti hins vegar yfir höfði sér allt að fimm ára fangelsisdóm fyrir að móðga Mohammed VI konung.

Belassal óttast nú að þetta muni hafa áhrif á framtíð hans sem íþróttamanns en hann æfir karate og var nýlega valinn í landslið Marokkó.

• 1 blogg um fréttina

Bloggað um fréttina

• hofy sig: Mannvonska.