Tvíhöfða kettlingur

Dýralæknirinn George Huber og aðstoðarkona hans Louisa Burgess trúðu ekki eigin augum þegar þau aðstoðuðu við fæðingu kettlings í Vestur-Ástralíu. Augun voru fjögur.

Að sögn Hubers er útlit fyrir að kettlingurinn sé að öðru leyti heilbrigður. Honum hafi liðið vel eftir fyrstu nóttina, malað og virðst hinn ánægðasti. Líffærin og maginn starfi að því er best verði séð með eðlilegu móti. 

Hinir kettlingarnir tveir fæddust heilbrigðir og heilsast vel.

Eigendurnir, sem vilja ekki láta nafns síns getið, hyggjast hugsa vel um tvíhöfðann litla og velta því nú fyrir sér að skíra hann Mr Men eða Quasi Modo upp á ástralska vísu.

Aðeins milljónasti hver köttur fæðist með tvö höfuð.

• 3 blogg um fréttina

Bloggað um fréttina

• Brynjar Jóhannsson: Ég hef komist að því að ég er köttur
• Linda litla: ÓTRÚLEGT !!!
• Helga skjol: Æji litla skinnið