Þjófur býðst til að greiða skaðabætur 25 árum síðar
Setja bókamerki
Austurrískur þjófur sem stal reiðhjóli með lítilli hjálparvél hefur boðist til að greiða eigandanum 1.400 evrur í skaðabætur - 25 árum síðar.
Þjófurinn sendi lögreglunni í Bregenz bréf þar sem hann biður hana um að koma 1.400 evrum, sem fylgdu með í bréfinu, til eigandans. Þjófurinn, sem nafngreinir sig ekki, segist iðrast gjörða sinna.
„Árið 1983 stal ég reiðhjóli með hjálparvél sem var fyrir utan Metro-kvikmyndahúsið,“ segir í bréfinu.
„Á þeim tíma gerði ég mér ekki grein fyrir því hvaða afleiðingar, bæði sálrænar og efnislegar, slíkur glæpur hafði í för með sér,“ segir ennfremur. Þjófurinn biður svo lögregluna um að vera svo væn að komast að því hver átti hjólið og koma fénu til skila.
Hann tekur fram að ef þetta gangi ekki upp þá skuli féð renna til félagsmálayfirvalda.
Lögreglan segist geyma allt að 40 ára gömul gögn. Því sé ljóst að fyrrum eigandinn muni fá óvænta gjöf um jólin.
Fyrsti blaðamannafundurinn í heild sinni
„Aðstæður í stjórnmálum geta breyst á einni nóttu“
„Þetta er ríkisstjórn almannahagsmuna“
Var engin kristnitaka árið 1000?
Lyklaskipti í ráðuneytunum
Alvarleg netárás á Wise
„Tímabil aukinnar eldvirkni“
