Bratz í útrýmingarhættu?

Svo virðist sem Barbie hafi náð að koma fæti fyrir helsta keppinaut sinn en dómari í Kaliforníu hefur nú úrskurðað að hætta skuli dreifingu á Bratz-dúkkunum og varningi þeim skyldum.

Deilurnar hófust fyrir þremur mánuðum þegar Mattel, sem framleiðir Barbie, vann lögsókn á hendur MGA, sem framleiðir Bratz-dúkkurnar. Þeir ákærðu MGA fyrir að hafa notað teikningar fyrrverandi hönnuðar Barbie sem var enn í vinnu hjá Mattel, við hönnun Bratz-dúkkanna.

Samkvæmt úrskurði dómara í vikunni verður leyfilegt að selja Bratz-dúkkur út árið en eftir það eru örlög þeirra á huldu. Líklegt þykir að MGA geri samninga við Mattel til að geta haldið framleiðslunni áfram en Bratz halar inn stórum hluta hagnaðar fyrirtækisins.

• 2 blogg um fréttina

Bloggað um fréttina

• Vilhjálmur Óli Valsson: Fer Bratz þá á listann?
• Guðrún Emilía Guðnadóttir: Hræðilegt! Og þó.