Missti heyrnina eftir ástríðufullan koss

Ung kínversk kona missti heyrnina að hluta eftir að kærastinn hennar kyssti hana full ástríðulega.

Fram kemur í kínverskum fjölmiðlum að konan, sem er á þrítugsaldri, hafi farið á sjúkrahús í Zhuhai, sem er í Guangdong-héraði landsins, eftir að hún hafði misst alla heyrn á vinstra eyra.

Í kjölfar atviksins hafa fjölmiðlar varað við því að fólk gangi of langt í kossaflensi sínu, segir á fréttavef breska ríkisútvarpsins.

„Þrátt fyrir að það sé alla jafna mjög öruggt að kyssast, þá vilja læknar hvetja fólk til að fara varlega,“ kemur fram í China Daily.

Læknirinn sem tók á móti konunni á sjúkrahúsinu sagði í samtali við fjölmiðla að kossinn hafi dregið úr loftþrýstingnum í munninum, dregið hljóðhimnuna út og það hafi orðið þess valdandi að heyrnin gaf sig.

Hann segir hins vegar að konan muni ná sér að fullu eftir um tvo mánuði.

• 4 blogg um fréttina

Bloggað um fréttina

• Björn Finnbogason: Huh! Þekki einn sem missti vitið!
• Hólmdís Hjartardóttir: Eru Geir og Ingibjörg ástfangin?
• Ragnar Borgþórs: Öfugt farið.
• Ómar Ragnarsson: Þetta er nú ekki mikið.