Áramótunum seinkar

Þeir, sem bíða eft­ir því að skála fyr­ir nýju ári, eiga eft­ir að verða fyr­ir dá­litl­um von­brigðum og þó. Ástæðan er sú, að nýtt ár geng­ur ekki í garð þegar klukk­an slær tólf á miðnætti, held­ur einni sek­úndu síðar.

Hlaupár er á fjög­urra ára fresti eins og all­ir vita en hlaup­sek­únd­um er hins veg­ar bætt við eft­ir þörf­um. Það verður nú í 24. sinn síðan sá hátt­ur var tek­inn upp árið 1972. Það er vegna þess, að tím­inn er ann­ars veg­ar mæld­ur af atóm­klukku, sem skeik­ar inn­an við millj­arðasta úr sek­úndu á degi hverj­um, og hins veg­ar af  snún­ingi jarðar um eig­in öxul. Mis­ræmið staf­ar af því, að snún­ing­ur­inn er óreglu­leg­ur og það er margt, sem hef­ur áhrif á hann, m.a. þyngd­arafl sól­ar og mána, sjáv­ar­föll­in, sól­vind­ar, geimryk og seg­ul­storm­ar. Jafn­vel lofts­lags­breyt­ing­arn­ar marg­um­töluðu hafa sín áhrif vegna þess, að heim­skautaís­inn minnk­ar.

• 5 blogg um frétt­ina

Bloggað um frétt­ina

• Sig­ríður Sig­urðardótt­ir: Allt of sein!
• Hall­ur Magnús­son: Ég hef þá ekki verið enn oft­ar seinn en ég …
• Helgi Jóns­son: Ætli maður hafi það af.....
• Sig­ur­björg: Eins gott að vera með rétt­an tíma !
• Ótt­arr Makuch: Maður er alltaf að græða