Kveikti í eiginmanninum

Áströlsk kona, sem kveikti í kyn­fær­um eig­in­manns síns vegna þess að hún hélt að hann væri að halda fram­hjá sér, hef­ur verið ákærð fyr­ir morð. Maður­inn lést af sár­um sín­um í síðustu viku.

Sak­sókn­ar­ar segja, að kon­an, sem er 44 ára göm­ul, hafi viður­kennt fyr­ir ná­grönn­um sín­um að hafa kveikt í mann­in­um í des­em­ber sl. eft­ir að hún sá hann faðma aðra konu. Kon­an sagðist ekki hafa ætlað að drepa mann­inn þegar hún skvetti leysi­vökva í kjöltu manns­ins og kveikti í.

Sak­sókn­ari hef­ur eft­ir kon­unni að hún hafi aðeins vilja brenna kyn­færi manns­ins svo þau til­heyrðu sér og eng­um öðrum. En þegar maður­inn vaknaði spratt hann á fæt­ur og velti um flösk­unni með eld­fima vökv­an­um. Við það breidd­ist eld­ur­inn út og á end­an­um brann hús hjón­anna til grunna og nær­liggj­andi hús skemmd­ist mikið.

Eig­in­kon­an var upp­haf­lega ákærð fyr­ir lífs­hættu­lega lík­ams­árás, íkveikju og fyr­ir að stofna lífi fólks í hættu en þrjú börn hjón­anna voru í hús­inu þegar þetta gerðist. Kon­an hef­ur nú verið ákærð fyr­ir morð þar sem maður­inn lést í síðustu viku. 

• 6 blogg um frétt­ina

Bloggað um frétt­ina

• Guðmund­ur Ásgeirs­son: Darw­in Aw­ards
• Vil­hjálm­ur Árna­son: Það hefði kanski verið betra að spur­ja hann ?
• Ólaf­ur Ragn­ars­son: Kviðsvið???
• Helg­an: ó mæ
• Krist­ín Guðbjörg Snæ­land: Þetta er eins og atriði í lé­legri bíó­mynd!!!!
• Sig­urður Þórðar­son: Siðlaust að kveikja í pung eig­in­manns­ins!