Sendir fyrr heim til að fjölga sér

12 tíma vinnudagar eru algengir í Japan og sökum þessarar vinnusemi hefur fæðingartíðnin í landinu lækkað. Stjórnvöld hafa leitað til stórfyrirtækjanna í landinu eftir aðstoð við að leysa þennan vanda og nú er starfsmönnum þessara fyrirtækja hleypt snemma heim tvisvar í viku til að eyða tíma með fjölskyldunni - og vonandi stækka hana líka.

Canon er eitt þeirra fyrirtækja sem hleypir starfsfólki sínu fyrr heim og hvetur það eindregið til að eignast börn. Til að viðhalda fólksfjölda Japans þarf fæðingartíðnin að vera 2 börn á fjölskyldu en er nú 1,34. Nú eru ljósin slökkt kl. 17:30 í starfsstöðvum Canon tvisvar í viku en yfirmenn hafa komist að því að þessar breytingar hafa meira í för með sér en að hækka fæðingartíðnina. Nú fækkar yfirvinnutímunum sem flestum fyrirtækjum þykir jákvætt á þessum þrengingartímum.

• 3 blogg um fréttina

Bloggað um fréttina

• Ásgrímur Hartmannsson: Kannski ykist framleiðnin ef þeir ynnu styttri tíma
• Bryndís Svavarsdóttir: Konan eða flaskan?
• Brynjar Jóhannsson: Ekki vandamál með slíkt hjá íslenskum konum