Táknræn mistök?

Gordon Brown, forsætisráðherra Bretlands, varð hinn vandræðalegasti þegar það kom í ljós að breska þjóðfánanum hafði verið snúið á hvolf þegar Wen Jiabao, forsætisráðherra Kína, heimsótti Bretland í vikunni.

Bent hefur verið á það að fánum sé snúið á hvolf þegar skip eigi í vanda. Breskir háðfuglar vilja meina að atburðurinn sé táknrænn hvað varði stöðu efnahagslífsins í Bretlandi um þessar mundir.   

Fáninn, sem gengur undir nafninu Union Jack, var á sínum stað þegar Brown og Wen Jiabao undirrituðu viðskiptasamkomulag á skrifstofu forsætisráðuneytisins í London sl. mánudag.  

Þeir allra skörpustu tóku eftir því að fáni, sem var á borði viðskiptaráðherrans, sneri öfugt.

Í fljótu bragði virðist engu máli skipta hvernig fáninn snýr. Hefðin er hins vegar sú að breiða hvíta röndin, sem hallar á ská og er á efri hluta fánans, snúi að fánastönginni. 

Talsmaður forsætisráðuneytisins hefur viðurkennt mistökin og segir að það verði séð til þess að þetta gerist ekki aftur.

• 1 blogg um fréttina

Bloggað um fréttina

• Ásgrímur Hartmannsson: Merkilegt...