„Bush er látinn“ - mistök í beinni

Sjónvarpsstöð í Suður-Afríku birti fyrir mistök fréttatilkynningu þess efnis að George W. Bush, fyrrverandi Bandaríkjaforseti, væri látinn. Bush er hins vegar sprelllifandi.

Í um þrjár sekúndur birtist textinn „George Bush er látinn“ á fréttaborða í fréttatíma stöðvarinnar ETV News.

Mistökin áttu sér stað þegar tæknimaður ýtti á rangan hnapp sem varð til þess að textinn sást í beinni útsendingu. Hann ætlaði hins vegar að ýta á prufuhnapp, þ.e. textinn átti aldrei að birtast enda um prufu að ræða.

Forsvarsmenn stöðvarinnar segja að héðan í frá verði prufuborðarnir með bulltexta.

Mistökin urðu þegar einn af yfirmönnum stöðvarinnar vildi sjá hvernig fréttatextinn myndi birtast á skjánum.

Málið hefur vakið mikla athygli í Suður-Afríku.

• 2 blogg um fréttina

Bloggað um fréttina

• Gestur Kristmundsson: Farið hefði fé betra
• Tómas Þráinsson: Hefði nú verið skondið ef þeir hefðu óvart haft rétt …