Milljarðar birtust á reikningnum
Setja bókamerki
Sænskri konu brá nokkuð í brún þegar hún var að fara yfir bankareikninginn sinn í gær og sá að inni á honum voru rúmlega 10 milljarðar sænskra króna, jafnvirði 130 milljarða króna.
Fram kemur á fréttavef Göteborgs-Posten, að Cornelia Johansson hafi séð upphæðina á reikningnum þegar hún fór inn í netbankann sinn til að greiða reikninga.
„Það stóð í skýringum, að upphæðin hefði verið lögð inn á reikinginn til að leiðrétta kreditkortafærslu," sagði Daniel Höglund, unnusti Johansson, við blaðið.
Upphæðin var enn óhreyfð á reikningnum í morgun en nokkrum klukkustundum síðar hvarf hún á jafn dularfullan hátt og hún birtist.
Talsmaður Nordeabanka, stærsta banka Norðurlandanna, sagði síðar, að um hefði verið að ræða tæknileg mistök.
Fagnar brú sem hann áður gagnrýndi
Mærir starfskrafta og samfélagssýn Þórðar Snæs
Sigldu yfir tún til að bjarga innlyksa konu
Flóttafólk vegna skipulagsklúðurs
760 manns eru í vinnu í Grindavík
Gerir ráð fyrir frekari málaferlum
Gullhúðun stöðvar Hvammsvirkjun
Orðið lúxusvandamál að velja lögin
