6 ástæður til að flytja til Íslands
Setja bókamerki
Mikið hefur verið rætt um yfirvofandi brottflutning ungs fólks frá Íslandi vegna efnahagsástandsins. Bandaríski fréttavefurinn The Business Insider birtir hinsvegar í dag stutta úttekt sem gefur örlítið mótvægi við þessa umræðu. Þar eru taldar upp 6 góðar ástæður, að mati blaðsins, til að taka sitt hafurtask og flytja til Íslands.
„Íhugaðu þetta: Þau eru búin að fá sinn skell. Gjaldmiðillinn þeirra er nú þegar einskis virði, sem þýðir að þú þarft ekki að hafa áhyggjur af því að eiga eftir að fara á hausinn. Ef þú býrð í Bandaríkjunum hefurðu stöðugar áhyggjur af því að Kínverjarnir vakni til lífsins, hætti að kaupa upp amerískar skuldir og eina lausnin verður að byrja að prenta seðla. Halló Weimar! Þetta virðist kannski langsótt, en það gæti gerst!“ segir á síðunni.
Næst eru talin upp atriði eins og þau að Íslendingar eigi sínar auðlindir. „Þegar allt kemur til alls, hvað þarftu meira en jarðvarma og fisk? Ókei þú þarft nettengingu líka, en þau hafa það.“
Þær staðreyndir að friður ríki á Íslandi og að hér séu fáir innflytjendur með innibyrgða reiði þykja líka aðlaðandi en rúsínan í pulsuendanum og lokahnykkurinn á röksemdafærslunni er samt þessi: „Íslendingar líta vel út.“ Svo kemur í ljós hvort Bandaríkjamenn taki sig til og flytji í stórum stíl til Íslands í kjölfarið.
Fullvissa ferðamenn um að hér sé öruggt
Drónamyndskeið frá hápunkti gossins í nótt
Myndir: Grindavíkurvegur aftur undir hraun
Yfir 300 stæði fóru undir hraun
Hluti bílastæðis undir hraun: Ómögulegt að meta tjón
Hraunið náð Njarðvíkuræð: Fylgjast með raflínu
/frimg/1/53/7/1530787.jpg)
Flogið á milli ljósaskipta