Eldri borgari stórtækur hjólaþjófur

Svissneskur maður á áttræðisaldri var í dag dæmdur fyrir stórtækan reiðhjólaþjófnað, en hann mun hafa stolið hátt í 900 hjólum á síðustu sex árum.

Maðurinn vann áður sem tryggingafulltrúi, en eftir að hann fór á eftirlaun árið 2001 söðlaði hann um og gerðist reiðhjólaþjófur. Hjólunum kom hann fljótt aftur í verð á svörtum markaði að sögn svissnesku fréttastofunnar ATS.

Hann hlaut í dag tveggja ára skilorðsbundinn fangelsisdóm og var sektaður um 66.000 svissneska franka sem skýrðir voru sem ógreiddur skattur af þeim hagnaði sem hann hafði af hjólasölunni.

• 2 blogg um fréttina

Bloggað um fréttina

• Vilberg Helgason: Innanbankaþjófar í liði með hjólaþjófum
• Freyja Haraldsdóttir: Hvaða máli skiptir að þjófurinn er eldri borgari?