Frakkar heiðra hermann sem barðist í fyrri heimsstyrjöldinni

Frakkar heiðruðu í dag elsta núlifandi hermann sem barðist í fyrri heimsstyrjöldinni. Bretinn Henry Allingham, sem er 112 ára gamall og jafnframt elsti maður Bretlands, hlaut hina frönsku fálkaorðu (Legion d'Honneur). Hann segist vonast til þess að engin stríð verði háð í framtíðinni.

Það var sendiherra Frakka í Bretlandi, Maurice Gourdault-Montagne, sem veitti Allingham viðurkenninguna fyrir að stuðla að friði.

„Ég vona að það verði aldrei aftur stríð. Það verði ein stór þjóð,“ sagði hann við athöfn sem fór fram í franska sendiráðinu í London. „Þetta er sorgarsaga sem maður getur ekki gleymt,“ sagði hann jafnfram um fyrri heimsstyrjöldina.

„Ég er svo glaður yfir því að fá að vera með ykkur í dag,“ bætti hann við.

• 1 blogg um fréttina

Bloggað um fréttina

• Baldur Gautur Baldursson: Hin "franska fálkaorða"?