Lýsa eftir forstjóranum

Forstjóri kínverska flugfélagsins East Star Airlines er horfinn og hefur fyrirtækið lýst eftir honum. Fréttir í kínverskum fjölmiðlum herma að forstjórinn sé í haldi lögreglu. Yfirmenn flugfélagsins neita að trúa því að forstjórinn hafi lagt á flótta vegna fjárhagserfiðleika líkt og margir telja.

Yfirmaður hjá East Star Airlines staðfesti við AFP fréttastofuna í morgun að forstjórinn, Lan Shil, væri horfinn. „Stjórnvöld hafa upplýst okkur um það að við megum segja fjölmiðlum að við eigum í rekstrarerfiðleikum. Við erum einnig að reyna að finna út hvar Lan er." 

Fjármálatímaritið Caijing greinir frá því í dag að Lan hafi verið handtekinn í borginni Zhuhai er hann reyndi að flýja land vegna mikilla skulda. Segir í tímaritinu að lögregla hafi sleppt honum úr haldi en fylgist með ferðum hans.

• 2 blogg um fréttina

Bloggað um fréttina

• Jakob Falur Kristinsson: Hvar er forstjórinn?
• Brynjar Jóhannsson: Er ekki hann bara í forstjórakaffi ?