Börn eignast nýja ofurhetju - Obama
Setja bókamerki
Bandarísk börn hafa snúið baki við Bangsimon og Harry Potter því þau hafa eignast nýja ofurhetju, Barack Obama, forseta Bandaríkjanna. Er svo komið að út hafa komið um þrjátíu barnabækur sem fjalla um forsetann og ævi hans. Aldrei áður hefur forseti Bandaríkjanna vakið jafn mikinn áhuga meðal yngstu kynslóðarinnar í Bandaríkjunum líkt og Obama.
Meðal titla eru: Mama Voted for Obama, Barack Obama: Change Has Come og Hopes and Dreams: The Story of Barack Obama.
Það er ekkert nýtt að ritaðar eru barnabækur um forseta Bandaríkjanna eða sögufrægar persónur enda eru til hundruð bóka um George Washington, Abraham Lincoln og Martin Luther King. Hins vegar, ólíkt öðrum, þá var stór hluti barnabókanna sem þegar hafa komið út um Obama, skrifaður áður en hann komst til valda.
Mótframbjóðandi hans í síðustu forsetakosningum, John McCain, hefur hins vegar einungis ratað í titil einnar, My Dad. John McCain, sem dóttir hans Meghan McCain skrifaði.
Ók á hóp fólks á jólamarkaði: Einn látinn
Bjarni: „Útilokað að þetta geti gengið upp“
„Mér finnst gamla Samfylkingin komin aftur“
Barn lést í árásinni
„Börn heima sem maður myndi vilja hafa í skjóli“
Fyrsti blaðamannafundurinn í heild sinni
Funda með þingflokkum
