Nefertiti í fegrunaraðgerðir?

Efa­semd­ir eru nú komn­ar fram um það að egypska drottn­ing­in Nefer­titi hafi verið jafn fög­ur og af er látið. Höfuðmynd af drottn­ing­unni hef­ur verið til sýn­is á Altes safn­inu í Berlín í Þýskalandi frá ár­inu 1923. Þetta kem­ur fram á frétta­vef Jyl­l­ands-Posten.

Þykir kon­an á mynd­inni svo raun­veru­leg og fög­ur að hún hef­ur jafn­vel verið nefnd svar forn­aldr­ar við Monu Lisu.

Nú hafa hins veg­ar rann­sókn­ir á höfuðmynd­inni, sem er úr leir, hins veg­ar leitt í ljós að hún er í mörg­um lög­um og að innsta lagið sýn­ir and­lit konu sem er hreint ekk­ert lík þeirri Nefer­titi, sem fólk hef­ur talið sig þekkja.

Á þeirri mynd eru kinn­bein­in ekki jafn há og á hinni þekktu mynd. Þá er nefið breiðara og hrukk­ur jafn­vel sjá­an­leg­ar við munn­vik kon­unn­ar.

Nefer­titi var drottn­ing fara­ós­ins Ak­hena­ten og fannst höfuðmynd­in í Tell el-Amarna í Egyptalandi árið 1912.

Sér­fræðing­ar sem rann­sakað hafa mynd­ina með nú­tíma­geisla­tækni segja að svo virðist sem að þrjár meiri­hátt­ar breyt­ing­arn­ar hafi verið gerðar á mynd­inni í gegn­um tíðina, senni­lega til að tryggja að þessi fræga feg­urðar­dís fylgd­ist með tísk­unni.

Höfuðmynd­in af Nefer­titi er ein fjöl­margra muna sem yf­ir­völd í Egyptalandi krefjast að skilað verði til Egypta­lands frá söfn­um víða um heim.

• 3 blogg um frétt­ina

Bloggað um frétt­ina

• Brynj­ar Jó­hanns­son: Endaðu æfi þína sem minja­grip­ur á þjóðminja­safn­inu
• Arn­ar Páls­son: Mogg­inn gleypti gabbið
• Kjart­an Pét­ur Sig­urðsson: BERLÍN - EGYPTA­LAND - NEFER­TITI DROTTN­ING - MYND­IR