Lifandi eftirmynd dóttur sinnar

Hin breska Janet Cunliffe hefur á undanförnum tíu árum varið á þriðju milljón króna í lýtaaðgerðir og nú er svo komið að hún líkis mest dóttur sinni Jane. Mæðgurnar, sem eru 50 og 22 ára, eru nú svo líkar að þær líta helst  út fyrir að vera tvíburar. Þetta kemur fram á fréttavef Jyllands-Posten.

„Í raun hefur dóttir mín útlitið frá mér,” segir Janet. „Það sem ég hef gert hefur miðað að því að endurheimta útlit mitt sem ungrar konu og þá líkist ég að sjálfsögðu dóttur minni,” segir hún í viðtali við blaðið Daily Mail.

„Þegar ég var yngri hafði ég ekki tíma til að vera hégómleg og hugsa um útlitið,” segir hún. „Ég var upptekin við að hugsa um dóttur mína og ala hana upp. Ég hugsaði ekki mikið um sjálfa mig og útlit mitt.”

„Mér finnst reyndar frábært að við líkjumst hvor annarri,” segir hún. „Við erum mjög nánar og hún er eins og stóra systirin sem ég átti aldrei.”

• 3 blogg um fréttina

Bloggað um fréttina

• Bergur Thorberg: Langamma hans Sigga
• Jóna Kolbrún Garðarsdóttir: Æskudýrkun
• Steinþór Ásgeirsson: Fréttamennska