Gaf fótboltamönnum Viagra

Fyrrum sjúkraþjálfari bólívísks fótboltaliðs segir að hann hafi gefið leikmönnum kynlífslyfið Viagra til að auka getur þeirra í leik sem fram fór í borginni La Paz, sem er meira 3.500 metra yfir sjávarmáli. Gestaliðið kom frá Santa Cruz, sem er ekki nema í um 400 metrum yfir sjávarmáli. Þetta kemur fram í frétt BBC um málið.

Rodrigo Figueroa sagði í viðtali við dagblaðið La Prensa að hann hafi gefið a.m.k. níu leikmönnum liðsins Viagra þar sem það eykur súrefni í blóði þeirra sem það taka. Leikmennirnir vissu þó ekki hvað þeir voru að taka, að sögn Figueroa sem undirstrikar að Viagra er ekki á lista yfir óleyfileg lyf.

Lyfið var fyrst og fremst gefið þeim leikmönnum sem áttu erfiðast með að venjast þunnu loftinu í fjallaborginni. Figueroa segist hafa stjórnað lyfjagjöfinni með því að blanda lyfinu í ávaxtasafa.

Inntur eftir því hver árangurinn hafi verið af því að nota lyfið sagði hann: „Í mikilli hæð er hægt að vinna, gera jafntefli eða tapa. Besti árangurinn náðist þegar lyfið reiddi sig á sterka taktík í leiknum."

Figueroa starfar nú fyrir fótboltaliðið Bolivar sem á einmitt heimaborg í La Paz.

• 3 blogg um fréttina

Bloggað um fréttina

• Kjartan Birgisson: Standandi pína fyrir leikmenn.
• Frikkinn: Góð hugmynd fyrir Styrmismenn
• Ólafur Gíslason: Stöngin inn!