Í ræktina vegna feitrar vaxstyttu

Borgarstjóri Lundúnaborgar, Boris Johnson, ætlar að taka hressilega á því í ræktinni á næstunni en honum brá heldur betur í brún þegar vaxstytta af honum var afhjúpuð á Madame Tussauds vaxmyndasafninu í Lundúnum í dag. Johnson segist ekki hafa gert sér grein fyrir því hversu feitur hann væri fyrr en hann sá styttuna.

„Það er ekki fyrr en þú sérð þig í þrívídd að þú gerir þér grein fyrir því hversu feitur þú ert. Ég verð að drífa mig af stað og skokka meira," sagði Johnson er hann stóð við styttuna af sjálfum sér. 

„Ég verð að grenna mig. En þetta frábær vinna sem þau hafa lagt í.  Þetta er undraverð, óhugnanleg. lík, skuggaleg útgáfa af sjálfum mér," sagði hann. 

Boris Johnson og vaxstyttan góða AP

• 2 blogg um fréttina

Bloggað um fréttina

• Anna Dóra Gunnarsdóttir: Eins gott...
• Emil Örn Kristjánsson: Það mætti annað koma til