Greiðvikinn innbrotsþjófur

Innbrotsþjófur nokkur var að athafna sig í húsi í Greve í Danmörku þegar dyrabjöllunni var hringt. Þjófurinn opnaði og fyrir utan stóð póstburðarmaður sem var að afhenda pakka. Þjófurinn tók við pakkanum, kvittaði á eyðublað póstsins og þakkaði fyrir. 

Póstinum þótti þó ýmislegt einkennilegt við „húsráðandann" en þegar hann kom að dyrum hússins voru þær í hálfa gátt og virtust hafa verið brotnar upp. Þá stóð bíll í gangi í innkeyrslunni. Pósturinn skrifaði hjá sér númerið á bílnum og hringdi í lögregluna þegar hann sá tvo menn fara í bílnum skömmu síðar.

Að sögn Jótlandspóstsins stálu þjófarnir flatskjá úr húsinu. Þeir hafa ekki fundist enn og ekki er ljóst hvort þeir tóku með sér pakkann, sem pósturinn kom með.

• 2 blogg um fréttina

Bloggað um fréttina

• Einar B Bragason : Innbrotsþjófur nokkur "Greiðvikinn"
• Brynjar Jóhannsson: Mestu innbrotsþjófar allra tíma.....