Elsti bloggari heims allur

Spænsk langalangamma, sem sagðist vera elsti bloggari í heimi og naut vinsælda á netinu, lést í dag, 97 ára að aldri.

Konan, sem hét Maria Amelia López, kynntist netinu gegnum barnabarn sitt árið 2006. Hún skrifaði á bloggsíðu sína um lífið í stjórnartíð Francisco Franco, einræðisherra Spánar og sýn sína á nútímann.

Eftir að fjölmiðlar fjölluðu um López jukust vinsældir bloggsíðu hennar. Í febrúar opnaði hún síðu á Facebook sem var helguð réttindamálum ellilífeyrisþega. 

„Ég mun deyja bráðlega," sagði López í viðstali við breska blaðið Guardian árið 2007. „Það eina sem ég hræðist er að tapa vitglórunni. En á meðan held ég áfram." 

• 3 blogg um fréttina

Bloggað um fréttina

• Helga Kristjánsdóttir: Blessuð sé minnig
• Ía Jóhannsdóttir: Ég ætlaði að skrifa um allt annað en held að …
• Brynjar Jóhannsson: Erfiðast af öllu