Aflimaði elskhuga eiginkonunnar

Franskur lögregluþjónn hefur verið ákærður fyrir grimmdarlegar pyntingar og limlestingu en hann hjó kynfæri elskhuga eiginkonunnar af með búrhníf, samkvæmt upplýsingum frá saksóknaraembættinu í Strassborg.

Á maðurinn, 43 ára fimm barna faðir, yfir höfði sér allt að þrjátíu ára fangelsi fyrir athæfið. Er sérstaklega fylgst með honum í varðhaldi þar sem óttast er að hann reyni að fremja sjálfsvíg. Maðurinn gaf sig fram við lögreglu eftir limlestinguna á laugardag.

Samkvæmt gögnum frá saksóknaraembættinu fór lögregluþjóninn á heimili elskhugans í bænum Reichshoffen, rotaði hann og dró hann meðvitundarlausan inn í bílskúr þar sem hann aflimaði manninn.

Eftir að hafa framið glæpinn bað hann nágranna elskhugans að hringja á sjúkrabíl en gaf sig síðan fram við lögreglu. Segir í skýrslu geðlæknis að svo virðist sem maðurinn hafi framið glæpinn með köldu blóði og er mælt með því að hann verði vistaður á réttargæsludeild.

• 2 blogg um fréttina

Bloggað um fréttina

• Jenný Anna Baldursdóttir: Píkuþema í næstu viku?
• Einar B Bragason : Skar undan elskhuga eiginkonunnar !