Landsstjóri Kanada át hrátt selshjarta
Michaelle Jean borðar selshjartað.
AP
Setja bókamerki
Michaelle Jean, landsstjóri Kanada, át hrátt selshjarta þegar hún tók þátt í hátíðarhöldum frumbyggja í vikunni. Jean tók þátt í að gera að nýveiddum sel og borðaði síðan sneið af hjartanu.
Svo virðist sem Jean hafi með þessu viljað sýna samstöðu með veiðimönnum gegn Evrópusambandinu, sem nýlega samþykkti að banna innflutning á kanadískum selaafurðum. Landstjóri Kanada er æðsti fulltrúi Bretadrottningar í landinu en Bretar eru í Evrópusambandinu.
Fram kemur á fréttavef BBC, að Jean hafi ekki viljað tjá sig um málið og hvort hún væri með þessu að storka Evrópusambandinu. „Þið getið túlkað það eins og þið viljið," sagði hún.
Haft er eftir talsmanni Evrópuþingsins, að þessar fréttir séu of fáránlegar til að hægt sé að tjá sig um þær.
Íbúar argir: Bærinn vill gistihús á flóðasvæði
Kölluðu til lögreglu á mótmæli Eflingar í Kringlu
„Sjaldan orðlaus en ég er það í þessu tilfelli“
Atkvæði urðu innlyksa í Kópavogi
/frimg/1/50/0/1500046.jpg)
Styður Sigurð Inga heilshugar
Snýst meira um persónuna og minna um pólitík
Íbúar uggandi vegna sprenginga