Múmínálfar í stað Tortímandans
Múmínálfarnir hafa engu tortímt svo vitað sé.
Setja bókamerki
Kvikmyndahúsagestir í Smárabíói ráku upp stór augu um kl. 17:30 í dag þegar Múmínálfarnir birtust á tjaldinu í stað Tortímandans, líkt og gestirnir höfðu gert ráð fyrir. Aðeins liðu örfáar mínútur þar til mistökin voru leiðrétt.
Jón Eiríkur Jóhannsson, rekstrarstjóri Smárabíós, segir að Múmínálfarnir hafi verið í sýningu í salnum á undan nýjustu kvikmyndinni um Tortímandann.
Þar sem um stafrænar sýningar sé að ræða hafi það aðeins tekið stutta stund að leiðrétta mistökin. Á meðan hafi gestirnir beðið rólegir.
Ef um filmu hefði verið að ræða hefði það hins vegar tekið sýningarstjórann um 30-45 mínútur að skipta um mynd.
„Þetta er vonandi góð auglýsing fyrir Múmínálfana,“ segir Jón Eiríkur.
Christian Bale leikur aðalhlutverkið í Terminator Salvation.
Reuters
Vika í kosningar: Þetta segja kannanir
Dómur þyngdur um þrjú ár
Sólveig Anna furðar sig á aðferðum kennara
Rússar sagðir útvega N-Kóreu milljón olíutunnur
Þarf að koma til móts við ólíkar þarfir lækna
Nýtt fangelsi í landi Stóra-Hrauns tilbúið 2028