Dæmdur fyrir að hrifsa hárkollu af þingmanni

Maður sem hrifsaði hárkollu af þingmanni í Taiwan í fyrra var dæmdur í fimm mánaða fangelsi. Dómarinn sagði að þingmaðurinn hefði rétt á að líta vel út.

Huang Yung-tien sem er fimmtugur hrifsaði hárkolluna af Chiu Yi er hann gekk til þingsins til að leggja fram kvörtun gegn fyrrum forseta landsins en Yung-tien er stuðningsmaður forsetans.

Talsmaður réttarins sagði að dómarinn teldi að Chiu Yi sé frjálst að klæðast því sem hann vill og ef Chiu teldi að kollan gerði hann fallegri útlits hefði hann rétt á að ganga með hana.

Á fréttavef Reuters kemur fram sú skoðun dómarans að Yung-tien hafi tekið þann rétt af Chiu um leið og hárkolluna.

Kolluhrifsarinn hefur lýst því yfir að hann hafi einungis farið ógætilega að ráði sínu og að sér finnist refsingin fyrir ógætnina vera fram úr hófi hörð.

• 1 blogg um fréttina

Bloggað um fréttina

• Helga Kristjánsdóttir: Fimm mán.........