Umhverfisvænt vændishús
Setja bókamerki
Neyðin kennir naktri konu að spinna, að minnsta kosti ef litið er til aðgerða sem þýska vændishúsið Maison d'Envie í Berlín hefur gripið til á samdráttartímum. Viðskiptavinir vændishússins sem koma gangandi, hjólandi eða með almenningssamgöngum fá fimm evru afslátt af gjaldinu sem greitt er fyrir þjónustu hússins. Hefðbundið gjald er sjötíu evrur.
Eigandinn, Thomas Goetz, segir í samtali við Reuters fréttastofuna, að þeir sem koma með almenningssamgöngum verði að vísu að sanna það. Hann segir þetta gott fyrir reksturinn, umhverfið og stúlkurnar sem starfa í vændishúsinu.
Hann segir að reksturinn hafi orðið illa úti í kreppunni en svo virðist sem tilboðið sé að skila auknum tekjum. „Við fáum þrjá til fimm nýja viðskiptavini á hverjum degi sem nýta sér afsláttinn," segir Goetz.
Vændi er leyfilegt í Þýskalandi en talið er að um 400 þúsund manns starfi í kynlífsiðnaðinum þar.
Hótar Bretum og Bandaríkjamönnum
Hraunið náð Njarðvíkuræð: Fylgjast með raflínu
Mjög alvarlegt ef Njarðvíkuræð gefur sig
Fullvissa ferðamenn um að hér sé öruggt
Börn hafi engan rétt á leikskólakennslu
Líklega komin á seinni hluta hrinunnar í Svartsengi
Mæðgur dæmdar til að greiða 64 milljónir