Nakinn frambjóðandi

Tónlistarmaðurinn Robert Burck sem spilar fáklæddur á gítar fyrir vegfarendur á Times Square í New York er eini mótframbjóðandinn gegn núverandi borgarstjóra, Michael Bloomberg.

Burck sem kallar sig Nakta kúrekann, segist vera vanur að gera stóra hluti með lítið milli handanna og telur að sá þankagangur muni skila honum í borgarstjórastólinn í komandi kosningum.

Samkvæmt Ananova-fréttavefnum klæðist kúrekinn einungis kúrekahatti, hvítum nærbuxum sem á er letrað Naked Cowboy og kúrekastígvélum. Hann segist þéna um eitt þúsund dali á dag með því að skemmta ferðamönnum en Bloomberg er milljarðamæringur sem hagnaðist á verðbréfamarkaðnum á Wall Street.

• 1 blogg um fréttina

Bloggað um fréttina

• Bergur Thorberg: Þennan mann sá ég 2007