Fékk engan hádegisverð og kveikti því í húsinu

Ástralskur dómstóll hefur dæmt karlmann í fangelsi sem brjálaðist og kveikti í heimili sínu eftir að eiginkonan hans gleymdi að búa til hádegisverð handa honum.

Rajah Theivendradas, sem er 54 ára, var dæmdur í fjögurra ára fangelsi fyrir að hafa skvett bensíni á heimili sínu og lagt eld að.

Eiginkona hans og tvær dætur, sem eru 21 árs og 16 ára, sluppu með minniháttar brunasár.

„Þetta var óafsakanleg, glórulaus, skaðleg og glæpsamleg hegðun af þinni hálfu,“ sagði dómarinn er dómurinn var upp kveðinn.

Fram kom við réttarhöldin að Theivendradas hefði drukkið mikið af áfengi daginn áður og átt í heiftarlegu rifrildi við aðra dóttur sína. Atvikið átti sér stað í maí í fyrra.

• 3 blogg um fréttina

Bloggað um fréttina

• Aðalsteinn Baldursson: Brjálað fangelsi.
• Brynja Dögg Ívarsdóttir: Ætli skapið hafi verið jafn mikið og bálið
• Ólafur Ragnarsson: "og engar trefjar"