Reður úr gulli og demöntum

Sádí-arabískur kaupsýslumaður hefur keypt dýrasta kynlífshjálpartæki sem sögur fara af en um ræðir reðurframlengingu úr skíragulli að andvirði tæplega 50.000 Bandaríkjadala eða rúmar sex milljónir íslenskra króna. Hönnuður tækisins segir kaupandann hafa ofnæmi fyrir stáli og hafi því pantað gullgrip ásettan demöntum og rúbínum.

„Vissulega var flissað þegar við fórum með verkefnið til gullsmiðs og báðum hann um hjálp,“ segir Rick Oh, einn eiganda X4 Labs em framleiðir gripinn. Glitrandi reðurframlengingin verður þakin 40 demöntum og nokkrum rúbínum og verður afhent í brynvörðum bíl að sögn Oh.

Bannað er að flytja kynlífshjálpartæki inn til Sádí Arabíu en X4 Labs segja vörur sínar hafa viðurkenningu heilbrigðisyfirvalda og því ætti innflutningurinn ekki að verða erfiður.

Fyrirtækið hyggst nú bjóða slíkar sérhannaðar vörur til sölu fyrir alla viðskiptavini þó óvíst sé að þær nái miklum vinsældum. Lítið er vitað um kaupandann annað en að hann býr í Jedda.

• 3 blogg um fréttina

Bloggað um fréttina

• Jenný Anna Baldursdóttir: Cappíss?
• Snowman: Parið á myndinni...
• Jón Snæbjörnsson: Bankareður úr skíragulli skreyttur demöntum og rúbínum