Fljúgandi prestar berjast við svínaflensuna

Gyðingaprestar og dulspekingar í Ísrael flugu yfir landið sl. mánudag í þeim tilgangi að koma í veg fyrir útbreiðslu svínaflensunnar svokölluðu. Um 50 trúarleiðtogar báðust fyrir og blésu sérstök blásturshljóðfæri, sem kallast shofar, og eru aðeins notuð við hátíðleg tækifæri.

Haft er eftir gyðingaprestinum Ytzhak Batzri í dagblaðinu Yedioth Ahronoth að tilgangurinn sé að stöðva útbreiðslu faraldursins og koma í veg fyrir dauðsföll. Hann segir að prestarnir séu þess fullvissir - þökk sé bænunum - að hættan sé liðin hjá.

Fram kemur á fréttavef BBC að í Ísrael sé aðeins talað um H1N1-veiruna en ekki svínaflensuna, enda svín óhrein dýr í gyðingatrú. Það er t.d. bannað að leggja sér svínakjöt til munns, skv. lögum gyðinga.

Þá segir að um 2.000 svínaflensutilfelli hafi greinst í landinu skv. tölum frá ísraelska heilbrigðisráðuneytinu. 

Myndskeið sem sýnir prestanna biðja í flugvélinni má sjá á vef BBC.

• 1 blogg um fréttina

Bloggað um fréttina

• Emil Örn Kristjánsson: Skyldi þetta virka?