Roðflúraðir lukkufiskar

Kínverskar gæludýrabúðir bjóða nú upp á fiska með roðflúri sem færa eiga eigendum fiskanna gæfu. Myndirnar eru ýmis lukkumynstur eins og blóm, regnbogar og táknum sem m.a. segja „megi viðskiptin blómstra.“ Lasergeislar eru yfirleitt notaðir til að flúra fiskana og helst verða svokallaðir Tropical Parrot fiskar fyrir valinu.

Deildar meiningar eru um ágæti slíks roðflúrs og segja sumir kínverskir gæludýrasalar aðferðina grimmilega. „Að nota lasergeisla til að flúra fiska hefur vissulega áhrif á fiskinn rétt eins og á manneskjur. Flúrið rýfur lífeðlisfræðilegt jafnvægi fisksins og skemmir yfirborð roðsins,“ segir Zhang Zicheng, fiskisérfræðingur sem segir þó að engin rannsókn hafi farið fram á slíkum aðgerðum.

Flúraðir fiskar hafa notið vaxandi vinsældum í Kína og hefur eftirspurnin farið vaxandi allt frá því þeir komu fyrst á markaðinn árið 2005.

• 1 blogg um fréttina

Bloggað um fréttina

• Magnfreð Ingi Ottesen: Roðflúraðir lukkufiskar