Nakinn, drukkinn og villtur

Nakinn og kófdrukkinn maður villtist á nýsjálensku hóteli og endaði  á að sofna inni í vitlausu herbergi. Hinn 29 ára Ástrali hafði farið á hótelið í Queenstown ásamt konu, en vaknað um nóttina og ráfað inn í herbergi þar sem fyrir voru sofandi hjón.

Á meðan boðflennan svaf, flúði konan inn á baðherbergið en á meðan kallaði maðurinn til lögreglu.

Lögregla sem kom á vettvang sagði að maðurinn hefði verið hissa á því að sjá fólk í herberginu og að sjálfur væri hann allsnakinn.

Maðurinn sem gat hvorki munað hvaða konu hann hafði verið með né í hvaða herbergi þau höfðu verið var eins og fyrr segir fatalaus og því peningalaus í þokkabót.

Lögreglan skutlaði honum heim á baðslopp í boði hótelsins en hvorki hótelið né gestirnir töldu ástæðu til að leggja fram kæru á hendur honum.

Þetta var alltof fyndið var haft eftir lögregluþjóninum um atvikið.

• 1 blogg um fréttina

Bloggað um fréttina

• Hólmfríður Bjarnadóttir: Æ Æ