Lögreglan rannsakar Evróvisjón atkvæðagreiðslu

Lögreglan í Aserbaídsjan hefur yfirheyrt hóp fólks í landinu sem kaus nágrannaríkið Armeníu í Söngvakeppni evrópskra sjónvarpsstöðva í vor.

Einn hinna yfirheyrðu segir í samtali við breska ríkisútvarpið að hann hafi verið sakaður um að hafa verið óþjóðrækinn og að þetta hafi mögulega ógnað öryggi þjóðarinnar. Lag Armena í ár hét „Jan Jan“.  

Yfirvöld í Aserbaídsjan segja hins vegar að fólkið hafi einfaldlega verið beðið um að útskýra hvers vegna það hafi kosið Armena.

Ríkin deildu á tíunda áratugnum um hið umdeilda hérað Nagorno-Karabakh.

Alls eru 43 Aserar sagðir hafa greitt Armenum sitt atkvæði í keppninni. Ekki liggur fyrir hversu margir þeirra hafa verið yfirheyrðir.

AySel og Arash kepptu fyrir hönd Aserbaídsjan í ár. Reuters

• 2 blogg um fréttina

Bloggað um fréttina

• Lilja Skaftadóttir: Að þora
• Jenný Anna Baldursdóttir: Glæpsamlegur tónlistarsmekkur