Leikinn með luftgítar
Setja bókamerki
Frakkinn Sylvain Quimene fór með sigur af hólmi í heimsmeistarakeppninni í luftgítarleik sem lauk í gærkvöldi í Oulu í Finnlandi. Keppt hefur verið í þessari listgrein árlega í Oulu frá árinu 1996.
Quimene, sem er 28 ára og keppti undir sviðsnafninu Gunther Love, var klæddur í gylltan leikfimibol og þótti bera af í luftgítarsólóum og heljarstökkum. Hann fékk alls 35,1 stig, mun meira en Bandaríkjamaðurinn „Hot Lixx Hulahan" Billmeier, sem sigraði í fyrra, og Frakkinn Andrew „William Ocean" Litz, en þeir fengu báðir 24,6 stig.
Keppendur þurftu að flytja 60 sekúndna langt lag að eigin vali og þykjast leika undir á gítar. Stigagjöfin byggist á lagavali, sviðsframkomu, tækni og listrænni tjáningu.
21 keppandi tók þátt í ár frá öllum heimshornum.
Samfylking og Viðreisn gáfu loforð
Barn lést í árásinni
Fyrsti blaðamannafundurinn í heild sinni
Bjarni: „Útilokað að þetta geti gengið upp“
Ók á hóp fólks á jólamarkaði: Einn látinn
Beint: Ný ríkisstjórn tekin við völdum
Lát hjóna í Neskaupstað: Ákæra gefin út
„Börn heima sem maður myndi vilja hafa í skjóli“
