Báðust afsökunar á fréttaklúðri

Tvö dagblöð í Bangladess hafa beðist afsökunar á því að hafa birt frétt sem birtist upphaflega á bandarískum háðsádeiluvef. Þar var fullyrt,  að tunglferðirnar hafi verið sviðsettar.

Dagblaðið Manab Zamin greindi frá því að bandaríski geimfarinn Neil Armstrong hefði sagt á blaðamannafundi að tungllendingin hefið verið eitt stórt sjónarspil. Hefði mörgum brugðið við þessar yfirlýsingar geimfarans.

Dagblaðið New Nation fylgdi svo í kjölfarið og birti samskonar frétt. Hvorugt dagblaðið gerði sér grein fyrir því að vefsíða  The Onion, sem minnir á vef Baggalúts, væri ekki ósvikinn fréttavefur.

Nú hafa forsvarsmenn dagblaðanna beðið lesendur sína velvirðingar á þessum mistökum.

„Við héldum að þetta væri satt og því birtum við þetta án þess að fá þetta staðfest,“ segir aðstoðarritstjórinn Hasanuzzuman Khan í samtali við AFP-fréttastofuna.

„Við vissum ekki að The Onion væri ekki alvöru fréttasíða.“

• 4 blogg um fréttina

Bloggað um fréttina

• Jakob Falur Kristinsson: Tunglferðir
• Þórður Guðmundsson: Hvers vegna að sviðsetja tunglferðir?
• Arngrímur Stefánsson: Hvurslags???
• Stjörnufræðivefurinn (www.stjornufraedi.is): Um tunglferðirnar