Sænskur karlmaður vill gefa brjóst
Setja bókamerki
Hálfþrítugur sænskur karlmaður tekur nú þátt í tilraun sem gæti gert honum kleift að gefa börnum sínum brjóst. Frá þessu er greint á vef danska dagblaðsins Politiken í dag.
Ragnar Bengtsson mun á næstu þremur mánuðum notast við brjóstapumpu og freista þess að þvinga brjóst sín til þess að framleiða brjóstamjólk. Sænska sjónvarpsstöðin TV8 mun fylgjast með tilraunum Bengtsson.
„Allt sem ekki skaðar líkamann er þess virði að prófa,“ segir Bengtsson. „Ef þetta virkar gæti þetta verið mikilvæg leið fyrir karlmenn til þess að komast í nánari tengsl við börnin sín strax í æsku,“ segir Bengtsson sem á tveggja ára gamalt barn.
Sem lið í tilrauninni þarf Bengtsson að örva geirvörtur sínum á þriggja tíma fresti á hverjum einasta degi í þrjá mánuði.
Dags daglega les Bengtsson hagfræði við Háskólann í Stokkhólmi, en hann sér enga meinbugi við því að draga brjóstapumpuna fram opinbera. „Ég hef ætlað mér að nota pumpuna meðan ég hlusta á fyrirlestra. Það truflar mig ekki þótt öðru fólki finnist það óviðurkvæmilegt. Finnist þeim það vandamál þá er það þeirra vandamál.“
Framleiðsla karlmanna á brjóstamjólk er ekki óþekkt fyrirbæri í tengslum við hormónagjöf, en Ragnar hyggst ekki notast við neina hormónagjöf til þess að flýta ferlinu.
Sigbritt Werner, prófessor við Karolinska Institut í Stokkhólmi, er þess fullviss að Bengtsson muni ekki takast að framleiða meira en nokkra mjólkurdropa eftir þriggja mánaða tilraunameðferð.
„Konur geta gefið brjóst eftir að þær hafa verið baðaðar í hormónum á níu mánaða tímabili, þannig að þetta tekur sjálfsagt allnokkurn tíma,“ segir hún í samtali við sænska dagblaðið The Local.
Virknin dregist saman um 600 metra
Gosið gæti varað lengur: Meiri fyrirstaða í gosrásinni
„Erum í miðri hrinu“: Styttist í Eldvörp
Myndir: Grindavíkurvegur aftur undir hraun
„Má segja að þetta gos hafi þjófstartað“
Mjög alvarlegt ef Njarðvíkuræð gefur sig
Búseta skortir byggingarlóðir