Dúfan var fljótari en tölvupósturinn
Setja bókamerki
Með nýjustu fjarskiptatækni hefur heimurinn skroppið saman og hægt er að senda gögn milli heimshluta á örskömmum tíma - nema að því er virðist í Suður-Afríku þar bréfdúfur eru fljótari í förum en tölvupóstur.
Upplýsingatæknifyrirtækið Unlimited IT í Durban skoraði á stærstu vefveitu landsins, Telkom í óvenjulega keppni. Flytja átti fjögurra gígabæt af upplýsingum 80 km vegalengd. Telkom átti að senda gögnin með tölvupósti en Unlimited tefldi fram bréfdúfunni Winston.
Minnislykill með 4 GB minni var bundinn við fót Winstons sem flaug af stað. Dúfan kom á áfangastaðinn eftir klukkutíma og 8 mínútur og það tók annan klukkutíma að hlaða gögnunum niður í tölvu. Þá höfðu aðeins um 4% af gögnunum komist á leiðarenda með ADSL tengingu Telkom.
Telkom sagðist ekki bera ábyrgð á því hve nettengingin væri hæg.
Mjög alvarlegt ef Njarðvíkuræð gefur sig
Spara stórfé með olíukaupum ytra
Sáu eldgosið brjótast út frá Snæfellsnesi
Beint: Eldgos hafið við Stóra-Skógfell
Þórarinn: Tafir á höfuðborgarsvæðinu ekki minni
Myndir: Grindavíkurvegur aftur undir hraun
„Erum í miðri hrinu“: Styttist í Eldvörp