Blekkingum beitt á YouTube

Óvenjulegt hneykslismál er komið upp í Danmörku en í ljós hefur komið, að myndskeið, sem birtist á samskiptavefnum YouTube og sýndi danska konu sem var að leita að barnsföður sínum var í raun runnið undan rifjum danska ferðamálaráðsins.

Í myndskeiðinu segist ung dönsk kona heita Karen og vera að leita að föður August sonar síns. Myndskeiðið vakti mikla athygli í Danmörku og fengið nærri 800 þúsund heimsóknir.

En nú er komið í ljós að ferðamálastofnunin VisitDanmark lét gera myndskeiðið fyrir opinbert fé með það fyrir augum að lokka fleiri ferðamenn til landsins. Konan, sem kemur fram í myndskeiðinu, heitir ekki Karen heldur er hún leikkona að nafni Ditte Arnth Jørgensen. Hún á heldur ekki barnið.

„Skattpeningar eru notaðir til að markaðssetja landið á grundvelli lygi," segir Jótlandspósturinn og er ekki skemmt.  

Myndskeiðið

• 2 blogg um fréttina

Bloggað um fréttina

• Skarphéðinn Gunnarsson: Konur eru söluvara
• Gunnar Ásgeir Ásgeirsson: Þetta grunaði mig...