Hét góðri uppskeru fyrir kynlíf

Lögregla í Papúa Nýju-Gíneu leitar nú leiðtoga trúarhóps sem hét þorpsbúum að þeir fengju margfalda bananauppskeru ef þeir ástunduðu kynlíf á almannafæri.

Maðurinn flúði nakinn inn í frumskóginn, ásamt liðsmönnum sínum, þegar lögregla reyndi að handtaka hann um helgina, samkvæmt frétt dagblaðsins Post Courier.

Kom fram í fréttinni að þorpsbúum og bændum í Morobe héraði hafi  verið heitið því að bananauppskeran myndi tífaldast í hvert skipti sem þeir stunduðu kynlíf á almannafæri.

Leiðtogi hópsins er þekktur fyrir ýmislegt misjafnt og hefur verið kærður fyrir ólöglegt afhæfi.

• 2 blogg um fréttina

Bloggað um fréttina

• Friðrik Hansen Guðmundsson: Hét góðri uppskeru fyrir kynlíf
• Sigurður Jón Hreinsson: Íslenskir fiskifræðingar ??