Stökk út í á til að forðast kýr

Bresk­ur karl­maður, sem var í göngu­ferð með hund­in­um sín­um, lenti í kröpp­um dansi þegar kúa­hjörð neyddi hann til að leita skjóls í Thamesá í Oxford­skíri í rúma klukku­stund.

Maður­inn, sem er frá London, var að ganga eft­ir stíg skammt frá bæn­um Radcot þegar kýrn­ar hófu að elta hann. Hann hringdi í lög­regl­una og óskaði eft­ir aðstoð og um tíma var lög­regluþyrla sett í viðbragðsstöðu.

Lög­regl­an í Thames­dal seg­ir að lög­reglumaður, sem hef­ur reynslu af því að reka kýr, hafi gefið mann­in­um leiðbein­ing­ar. Hann sagði hon­um að vera ákveðinn við dýr­in og veifa hand­leggj­un­um. Og ef hann væri með prik þá væri það enn betra.

Þetta virðist hafa gengið upp því maður­inn hitti lög­reglu­menn á hót­eli í Radcot sem könnuðu hvort mann­in­um hefði orðið meint af þess­um viðskipt­um.

Fram kem­ur á frétta­vef breska rík­is­út­varps­ins að maður­inn hafði verið í ánni í um 20 mín­út­ur áður en hann hafði sam­band við lög­regl­una.

• 4 blogg um frétt­ina

Bloggað um frétt­ina

• Hall­dóra Hall­dórs­dótt­ir: Þetta er ekk­ert grín!
• Ómar Ragn­ars­son: Ólík­inda­skepn­ur.
• Jón Snæ­björns­son: Stór­hættu­leg­ar skepn­ur
• Hall­dóra Lára Ásgeirs­dótt­ir: Hrædd­ur við kyrn­ar.