Berrassaðar löggur á hlaupum

Ástralska lögreglan rannsakar nú hvort lögreglumenn hafi hlaupið berrassaðir í kringum ómerkta lögreglubifreið er þeir voru á leiðinni í steggjaveislu.

Kona varð vitni að atvikinu og tilkynnti það til lögreglu. Hún segist hafa séð tvo menn fara út úr sendibifreið, sem var stopp á rauðu ljósi, í Brisbane síðla sunnudags.

Lögreglan fékk upplýsingar um bílnúmer bifreiðarinnar og þegar hún rannsakaði málið kom í ljós að um lögreglubifreið var að ræða.

Fram kemur á fréttavef breska ríkisútvarpsins að lögreglumennirnir sjái eftir gjörðum sínum. Þeir eru sagðir vera hluti að sérsveitarhópi sem glímir við verkefni á borð við sprengjuhótanir og gíslatökur.

Lögreglustjórinn Bob Atkinson segir hegðun þeirra óafsakanlega.

• 3 blogg um fréttina

Bloggað um fréttina

• Ólafur Ragnarsson: Slöngubit ???
• Jakob Falur Kristinsson: Löggulíf
• Gunnar Th. Gunnarsson: Sexy löggur