Markvörður svindlar

Dan­inn Kim Christen­sen, sem er í mark­inu hjá sænska knatt­spyrnuliðinu IFK Göte­borg, á nú á hættu leik­bann eft­ir að í ljós kom að hann hef­ur reynt að svindla með óvenju­leg­um hætti. Hann sást sparka í marks­tang­irn­ar til að reyna að gera markið minna.

Christen­sen hélt að sögn Jyl­l­and­sposten mark­inu hreinu í 13 leikj­um á tíma­bil­inu og átti það sinn þátt í að liðið er efst í sinni deild. En sl. miðviku­dag sást til hans á sjón­varps­upp­tök­um þar sem hann reyndi að minnka markið. Og reyndi ekki að leyna svindl­inu.

„Á sum­um völl­um eru stang­irn­ar ekki vel fast­ar og þá reyn­ir maður að hnika þeim til um eins marga senti­metra og maður get­ur,“ seg­ir Christen­sen í sam­tali við Aft­on­bla­det í Svíþjóð. Hann seg­ist hafa fengið þetta ráð hjá fé­laga sín­um fyr­ir nokkr­um árum. kjon@mbl.is