Vatn á flöskum bannað

Allt vatn á flöskum var tekið úr hillum verslana í ástralska bænum Bundanoon í Ástralíu í dag en þar hefur vatn í plastflöskum verið bannað með lögum.  Áfyllanlegum flöskum var komið fyrir í staðinn en bannið er talið það fyrsta sinnar tegundar í heiminum.

Hundruð bæjarbúa fylktu liði um bæinn í gær til að taka þátt í þessum fyrsta flöskubannsdegi en fjöldi nýrra drykkjarbrunna hefur verið komið fyrir í bænum og inni í verslunum.

Bæjarbúar kusu í júlí um að banna flöskuvatn eftir að hafa fengið fræðslu um umhverfisáhrif flöskuvatns. „Á meðan stjórnmálamenn okkar glíma við risavaxin verkefni loftslagsbreytinga sýnir Bundanoon að hægt er að gera ótrúlegustu hluti í minni samfélögum og komið á verulegum breytingum í þágu umhverfisins,“sagði John Dee, talsmaður herferðarinnar í samtali við AFP-fréttastofuna. 

Bæjarbúar spara auk þess peninga á breytingunum og það er aukin hvatning. Plast og eldsneyti vegna framleiðslu vatns á flöskum er talið af umhverfisverndarsinnum valda ónauðsynlegri mengun. 

• 4 blogg um fréttina

Bloggað um fréttina

• Þórir Kjartansson: Þetta ættu fleiri að gera.
• Jóhannes H. Laxdal: En hérna ..
• Ómar Bjarki Smárason: Ætli vatnsútflutningur okkar sé nokkuð í hættu.....?
• Eyþór Laxdal Arnalds: Ekki er sopið vatnið þó í flöskuna sé komið...