Vill dauðadóma fyrir falska meydóma
Setja bókamerki
Virtur fræðimaður í Egyptalandi krefst þess að dauðarefsing verði látin liggja við innflutningi á tæki, sem gerir konum kleift að þykjast vera óspjallaðar meyjar.
Á fréttavef breska ríkisútvarpsins BBC er haft eftir Abdul Mouti Bayoumi, að dreifing tækisins jafngildi því að hvetja til ósiðlegs lífernis og hórdóms og það sé dauðasök samkvæmt íslömskum sharíalögum.
Umrætt tæki gefur frá sér vökva, sem líkist blóði og konur geta þannig þóst hafa misst meydóminn á brúðkaupsnóttinni. Tækið, sem er framleitt í Kína er ódýrt og fáanlegt í ýmsum Arabaríkjum. Í Sýrlandi jafngildir verðið um 1600 krónum. Egypskir þingmenn hafa hvatt til þess að innflutningur tækisins verði bannaður.
Nokkuð hefur færst í vöxt í þessum ríkjum að konur leyti með leynd til læknastöðva og gangist þar undir aðgerð til að endurskapa meyjarhaftið. Slíkar aðgerðir eru hins vegar dýrar.
Éljagangur en síðan slydda eða rigning
Segir umsókn að ESB vera óvirka
Spá 13-18 stiga frosti í borginni
Strandveiðar „efnahagsleg sóun“
Í vinnunni á aðfangadagskvöldi í 25 ár
Æskuvinir sem fóru í víninnflutning frá Georgíu
Búið að opna Hellisheiði
Ekkert ferðaveður og vegalokanir á jóladag